نیا موبائل خریدنے پر ٹریٹ دینے سے انکارپردوستوں کےہاتھوں نوجوان قتل

(24نیوز)  بھارتی دارالحکومت نئی دہلی میں 3 لڑکوں نے اپنے دوست کو نیا موبائل فون خریدنے کے بعد 'ٹریٹ نہ دینے پر قتل کردیا۔ 

بھارتی میڈیا کے مطابق قتل کا واقعہ نئی دہلی کے علاقے شکرپور میں پیش آیا جہاں ایک 16 سالہ لڑکے سچن کو اس کے 3 دوستوں نے مبینہ طور  پر نیا موبائل خریدنے کی خوشی میں ٹریٹ نہ دینے  پر قتل کردیا،خبر کے مطابق افسوس ناک واقعہ کل شام 7 بجے کے وقت پیش آیا جہاں گشت پر موجود پولیس کو شکرپور کے علاقے میں ایک جگہ خون کے دھبے ملے تھے۔ 

بھارتی میڈیا کا بتانا ہے کہ پولیس نے تحقیقات کیں تو پتا چلا کے ایک نوجوان کو اس کے 3 دوستوں نے  ٹریٹ نہ دینے پر چاقو  کے وار کرکے زخمی کیا جو بعد ازاں زخموں کی تاب نہ لاتے ہوئے چل بسا۔ 

پولیس کے مطابق نوجوان کے قتل کا مقدمہ درج کرلیا گیا ہے اور ملزمان کی گرفتاری کے لیے کوششیں جاری ہیں۔ 

یہ بھی پڑھیں:  ڈیرہ اسماعیل خان: ایس پی صدر سرکل خالد عثمان کی گاڑی کے قریب دھماکہ