سعودی عرب کی پاکستان میں ایک ارب ڈالر کی سرمایہ کاری کی یقین دہانی
Stay tuned with 24 News HD Android App
(24 نیوز)وزیر خارجہ بلاول بھٹو زرداری کی بہترین سفارتکاری ، سعودی عرب نے پاکستان میں ایک ارب ڈالر کی سرمایہ کاری کی یقین دہانی کرا دی۔
تفصیلات کے مطابق وزیر خارجہ بلاول بھٹو اور سعودی ہم منصب فیصل بن فرحان کے درمیان ٹیلی فونک رابطہ ہوا،پاک سعودی وزرائے خارجہ کے درمیان دوطرفہ برادرانہ تعلقات کے فروغ پر تبادلہ خیال کیاگیا۔
اعلامیہ کے مطابق سعودی عرب کی جانب سے پاکستان میں ایک ارب ڈالر کی سرمایہ کاری کی یقین دہانی کرائی گئی، جس پر وزیرخارجہ بلاول بھٹو نے اپنے سعودی عرب ہم منصب سے اظہار تشکرکیا۔
بلاول بھٹو زرداری نے سعودی ہم منصب کو پاکستان میں غیر معمولی سیلاب کی تباہ کاریوں سے آگاہ کیا،بلاول بھٹو نے بدترین سیلابی صورتحال پر اظہار یکجہتی پر سعودی عرب سے اظہار تشکرکیا، وزیر خارجہ نے سعودی عرب کی سیلاب متاثرین کی مدد کیلئے یقین دہانی کو بھی سراہا۔
یہ بھی پڑھیں: وزیراعظم کا کھیلوں پر ڈیپارٹمنٹل پابندی ختم کرنے کا اعلان