(24 نیوز)ڈالر کے بعد سونے کی قیمتوں کو پر لگ گئے ،ایک ہی دن میں فی تولہ قیمت میں 2900 کا بڑا اضافہ ہوگیا۔
تفصیلات کے مطابق عالمی مارکیٹ میں سونا 4 ڈالر مہنگا ہوکر 1919 ڈالر فی اونس پر پہنچ گیا ۔
آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت 2 ہزار 900روپے اضافے کے بعد 2 لاکھ 35 ہزار 500 روپے ہوگئی ہے، 10 گرام سونے کی قیمت میں 2 ہزار 486 روپے کا اضافہ ہوا، جس کے بعد قیمت 2 لاکھ 1903 روپے ہوچکی ہے، جبکہ فی تولہ چاندی 50 روپے اضافے سے 2850 روپے ہوگئی۔