(24 نیوز) پی سی بی کی جانب سے ایشیا کپ 2023 کے میچز کے لیے مہمانوں کو دعوت دینے کا سلسلہ جاری ہے۔
ذرائع کے مطابق پاکستان کرکٹ بورڈ نے ایشین کرکٹ کونسل (اے سی سی) کے تمام رکن ممالک کو دعوت نامے بھجوائے ہیں، ایشیا کپ کے لیے انٹرنیشنل کرکٹ کونسل (آئی سی سی) کے چیئرمین، نائب چیئرمین، چیف ایگزیکٹو اور جی ایم کرکٹ کو بھی دعوت نامے بھجوائے گئے ہیں، آئی سی سی رکن ممالک کو بھی میچز دیکھنے کے لئے مدعو کیا گیا ہے۔
یہ بھی پڑھیں: ڈومیسٹک کھلاڑیوں کیلئے بڑی خوشخبری، پی سی بی نے اہم اعلان کر دیا
ذرائع کا مزید کہنا ہے کہ بھارتی کرکٹ بورڈ کے صدر راجر بنی، نائب صدر راجیو شکلا اور اے سی سی کے صدر و سیکریٹری بھارتی بورڈ جے شاہ کو بھی دعوت نامہ بھیجا گیا ہے، راجر بنی اور راجیو شکلا کا ایشیا کپ کے دوران پاکستان آنے کا امکان ہے۔