ملک کو  پہلا نیک وزیر اعظم ملا، تعریف کرنی چاہئے:اعجاز شاہ

(24 نیوز) وفاقی وزیر بریگیڈئیر ریٹائیرڈ اعجاز شاہ نے کہا ہے کہ عمران خان  کی شکل میں پاکستان کو  پہلا نیک وزیر اعظم ملا،  لہٰذا میڈیا کو سچ بولنے پر وزیر اعظم کی تعریف کرنی چاہیے۔

تفصیلات کے مطابق ننکانہ صاحب میں صحافیوں سے گفتگو کرتے ہوئے وفاقی وزیر انٹی نارکوٹکس اعجاز شاہ کا کہنا تھا کہ تین بار وزیر اعظم رہنے والے اب بھی انگوٹھا لگاتے ہیں جبکہ اب بھی سیاستدانوں کی اکثریت کو دو کا پہاڑا بھی نہیں آتا۔انہوں نے مزید کہا کہ ایس ایچ او ایماندار اور ٹھیک  ہو تو اس کےعلاقے میں منشیات فروخت نہیں ہو سکتیں ،اعجاز شاہ کا کہنا تھا کہ منشیات کیس میں ایس ایچ او کانام بھی درج کروانے کے لئے قانون میں ترمیم ہونی چاہیے۔ انہوں نےکہا کہ میں 30 دسمبرکو وزیر اعظم عمران خان سے ملوں گا اور ان سے اس حوالے سے بات کرونگا۔