مریم جنہیں سوغات کہتی ہیں وہ کبھی نواز شریف کے آئیڈیل تھے:فیاض چوہان

(24نیوز)وزیر جیل خانہ جات فیاض الحسن چوہان کا کہنا ہے کہ مریم نواز جنہیں سوغات کہتی ہیں وہ کبھی ان کے والد کے آئیڈیل تھے اور  کھلاڑی بننے کے لیے قلی اور سول ڈیفنس کی وردی پہنتے تھے۔ 

 فیاض الحسن چوہان کا لاہور میں کرسمس کی تقریب میں شرکت کے بعد میڈیا سے گفتگو کرتے ہوئے کہنا تھا کہ  نواز شریف واپس آجائیں ورنہ فروری میں حالات انہیں واپس لے آئیں گے۔ صوبائی وزیر نے مزید کہا کہ بلاول شہباز ملاقات کے کچھ اثرات سامنے آچکے، باقی جلد آجائیں گے۔ بلاول اور شہباز شریف کے پلے کچھ نہیں، آر یا پار والوں کی حالت یہ ہے کہ پورا پی ڈی ایم لاچار ہوگیا ہے۔مولانا فضل الرحمان اور مریم نواز کو استعفوں کی جلدی ہے لیکن رسوائی اور جگ ہنسائی مریم اور فضل الرحمان کے مقدر میں لکھی جا چکی ہے، اپوزیشن کے استعفے نہیں آئیں گے۔