3 موٹر سائیکلوں میں تصادم، 2 بچوں سمیت 5افراد جاں بحق
کیپشن: حادثہ(فائل فوٹو)
Stay tuned with 24 News HD Android App
(24نیوز)ڈیرہ غازی خان کی تحصیل کوٹ چھٹہ میں جھوک اترا روڈ پر تیز رفتاری کے باعث 3 موٹر سائیکل آپس میں ٹکرا گئے، حادثے کے نتیجے میں 2 بچوں سمیت5 افراد جاں بحق ،4 زخمی ہو گئے۔
افسوسناک حادثے میں جاں بحق ہونیوالوں میں 29 سالہ حاجی ریاض، 20 سالہ عدیل، بچوں میں 10 سالہ زمان جبکہ 7 سالہ ایاز شامل ہیں ،حادثے میں خاتون سمیت 4 افراد شدید زخمی ہوئے۔ زخمیوں میں 27 سالہ راشد،25 سالہ صلاح الدین شامل ہیں ، 20 سالہ یونس جبکہ 25 سالہ مہوش بھی زخمیوں میں شامل ہیں،ریسکیو ٹیمیں جائے حادثہ پر پہنچ گئیں،زخمی افراد کو ڈی ایچ کیو ہسپتال جبکہ جاں بحق افراد کی لاشیں ٹی ایچ کیو منتقل کر دی گئیں۔