یشماگِل کی شادی سے متعلق "پوسٹ" نے مداحوں کو بے چین کردیا
Stay tuned with 24 News HD Android App
(ویب ڈیسک)اداکارہ یشماگِل کی شادی سے متعلق "پوسٹ" نے ان کے مداحوں کو بے چین کردیا۔
پاکستانی شوبز کی معروف اداکارہ نے اپنی پوسٹ کے ذریعے شادی کا عندیہ دیاہے جس سے ان کے مداحوں کی بے چینی بڑھ گئی ہے۔
اداکارہ یشما گل کی شادی کے حوالے سے حالیہ انسٹاگرام پوسٹ سوشل میڈیا پر وائرل ہو رہی ہے جس میں انہوں نے اپنی شادی کی منصوبہ بندی سے متعلق اہم انکشاف کیا ہے۔
وائرل اسٹوری میں یشما گل نے خبر کی ہیڈلائنز شیئر کی جس میں سعودی عرب کی جانب سے مکہ اور مدینہ میں نکاح کرنے کا اجازت نامہ شامل تھا،اسٹوری میں لکھا گیا تھا کہ سعودی عرب نے مکہ اور مدینہ میں نکاح کرنے کی اجازت دے دی ہے۔
مذکورہ خبرپر یشما گل نے بھی اپنے خیالات کا اظہار کرتے ہوئے لکھا کہ شادی کرنے کا وقت آ گیا ہے!!۔
اداکارہ کے اس پیغام کے بعد سوشل میڈیا صارفین اداکارہ کو جلد شادی کے بندھن میں بندھتا دیکھنے کی خواہش کرتے نظر آرہے ہیں اور انکے لیے نیک تمناؤں کا اظہار کر رہے ہیں۔