عمران خان نے کیا کوشش کی؟ چودھری نثار نے راز سے پردہ اٹھا دیا

(ویب ڈیسک) سابق وزیر داخلہ چودھری نثار علی خان نے کہا ہے کہ عمران خان نے کسی کو پارٹی میں شامل کرنے کی اتنی کوشش نہیں کی جتنی میرے لئے کی۔

راولپنڈی کے علاقے چاکرہ میں جلسے سے خطاب کرتے ہوئے انہوں نے مزید کہا کہ تنقیدی نہیں تعمیری سیاست کرنا چاہتا ہوں، اگر میں عمران خان کا ایڈوائزر ہوتا تو کہتا عزت سے جاؤ اور ایسی تقریر کرو کہ لوگوں کی مزید ہمدردیاں پیدا ہوں، شہباز شریف کا مشیر ہوتا تو کہتا کہ حکومت نہ لو۔

انہوں نے کہا کہ ہم نعرے بہت لگاتے ہیں مگر عمل نہیں کرتے ، ملک انتہائی نازک موڑ پر ہے اور ہم ایک دوسرے کے گریبان پکڑ رہے ہیں، سیاست میں گالم گلوچ عام ہوگئی، آج ہم کھائی کے بالکل کنارے پر پہنچ گئے، سچ کا علم بلند کرتا رہوں گا، لوگ پوچھتے ہیں کسی پارٹی میں شامل کیوں نہیں ہوتے ؟ میں کہتا ہوں کہ اس گالم گلوچ کا حصہ نہیں بننا چاہتا۔