میں کسی بھی لمحے کھیل بدل سکتا ہوں، اعظم خان

(ویب ڈیسک) گزشتہ روز پی ایس ایل 8 کے 13ویں میچ میں اسلام آباد یونائیٹڈ نے کوئٹہ گلیڈی ایٹرز کو 63 رنز سے شکست دے کر ایونٹ میں تیسری فتح اپنے نام کی تھی۔

میچ میں اسلام آباد یونائیٹڈ کے اعظم خان نے 42 گیندوں پر 97 رنز بنائے، اُن کی اننگز میں 8 چھکے اور 9 چوکے شامل تھے۔

شاندار بیٹنگ کے بعد اعظم خان گراؤنڈ میں معروف اسپورٹس پریزنٹر اور میزبان زینب عباس کو انٹرویو دیا۔

“I can change the game at any moment” ???????? #SabSitarayHumaray l #HBLPSL8 I #QGvIU l @MAzamKhan45 pic.twitter.com/cQfVuBLHNU

— PakistanSuperLeague (@thePSLt20) February 24, 2023

اس دوران اعظم خان نے کہا کہ سچ کہوں تو مجھے پتا تھا میری فارم اچھی ہے اور میں نے بنگلادیش پریمیر لیگ کی کارکردگی کو جاری رکھنے کی کوشش کی۔

اعظم نے کہا کہ مجھے اپنی صلاحیت پر یقین ہے کہ میں کسی بھی وقت کھیل کو بدل سکتا ہوں، میری ہمیشہ کوشش ہوتی ہے کہ مشکل نیٹ پریکٹس کروں۔