نیٹ فلکس نے 30 ممالک میں ماہانہ فیس کم کر دی, پاکستان میں کم ہوئی یا نہیں ؟جانیئے

(ویب ڈیسک )فلموں اور ویب سیریز کی معروف سٹریمنگ سروس نیٹ فلکس نے 30 ملکوں میں  سبسکرپشن فیس میں کمی کا اعلان کیا ہے۔
تفصیلات کے مطابق فیس میں کمی کا اطلاق ایشیا، یورپ، لاطینی امریکہ،افریقا اور مشرق وسطیٰ کے مختلف ممالک میں ہوگا، نیٹ فلکس نے فیس میں کمی کا اعلان عالمی مہنگائی اور اپنے حریف کمپنیوں سے بڑھتے ہوئے مقابلے کے پیش نظر کیا ہے ، جن ملکوں میں فیس کو کم کیا گیا ہے ان میں ملائیشیا، انڈونیشیا، تھائی لینڈ، فلپائن، کروشیا، وینزویلا، کینیا اور ایران بھی شامل ہیں، کمپنی کے اعلان میں برطانیہ اور امریکہ کا نام شامل نہیں ہے اور وہاں نیٹ فلکس پہلے ہی فیس میں کمی کرچکی ہے ، فیس میں کمی کچھ خاص قیمتوں کے پلان میں ہوگی اور بعض صورتوں میں نصف تک کم ہوجائے گی۔