سبر الائچی کی چائے، لمبی عمر کا راز

(24 نیوز)سبزالائچی ایک خوشبودار بیج کی پھلی ہے جو بہت سے کھانوں کی تیاری میں استعمال ہوتی ہے ، صرف یہی نہیں، سبزالائچی کو ان کے صحت کے فوائد اور شفا بخش خصوصیات کے لیے بھی قیمتی قرار دیا جاتا ہے،چینی روایت کے مطابق سبزالائچی کی چائے پینا لمبی عمر کا راز سمجھا جاتا ہے، سبزالائچی کی چائے زہریلے مادوں کو باہر نکالنے میں مدد کرتی ہے اور آپ کے اندرونی نظام کو صاف رکھتی ہے۔

سبز الائچی آپ کے دل کو کولیسٹرول کی بلند سطح اور ہائی بلڈ پریشر سے بچانے میں مددگار ثابت ہوسکتی ہے، یہ ذیابیطس اور جگر کے زہریلے مادے کو کم کرنے میں بھی مدد کرسکتی ہے، یہاں تک کہ اسے ہاضمے کے مسائل کے لیے بھی کارمینیٹو کے طور پر استعمال کیا جاسکتا ہے، یہ منہ کی صحت کے مسائل جیسے سانس کی بدبو کو دور کرنے میں مدد کرتی ہے۔ 

سبز الائچی کے حیران کن فوائد 

نقصان دہ بیکٹیریا کے خلاف قدیم جڑی بوٹیوں کے علاج کے برعکس، جدید اینٹی بائیوٹکس کو آنتوں میں اچھے بیکٹیریا کی روک تھام جیسے مضر اثرات پیدا کرنے کے لیے پایا گیا ہے، اگرچہ الائچی جیسے مصالحے طاقتور نہیں ہوسکتے ہیں، لیکن وہ صرف پھیلنے والے جرثوموں کو روکتے ہیں اپنی تیز خوشبو کی وجہ سے سبزالائچی ذائقے اور حس کو فعال کرنے میں معاون ہوتی ہے اور اس طرح ہاضمے میں مدد کرتی ہے۔

ماہرین کہتے ہیں یہ ہضم کے لیے مؤثر خامروں کے اخراج کو قابل بناتا ہے، خاص طور پر اگر بھاری کھانے کے بعد کھایا جائے، الائچی معدے کے مسائل جیسے بدہضمی، گیس اور قبض کے لیے بہترین ہے۔،الائچی میں ایسے کیمیکل ہوتے ہیں جو آنتوں کے ذریعے کھانے کی حرکت کو بڑھانے کے لیے جانے جاتے ہیں، ہاضمے سے متعلق کسی بھی قسم کی پریشانی کی صورت میں پیشہ ور اور ماہر امراض معدہ سے رجوع کریں۔ 

مزید پڑھیں:گمراہ کن اشتہار ،شاہ رخ خان، اجے دیوگن، ٹائیگر شروف کیخلاف مقدمہ ، عدالت طلب

سبزالائچی کی پھولدار اور میٹھی خوشبو اسے قدرتی سانس کی تازگی بناتی ہے، سبزالائچی کے تیل کا ایک اہم سینیول نامی جز اس کی جراثیم کش خصوصیات کے لیے جانا جاتا ہے جو منہ کی صفائی کو بڑھاتا ہے اور یہ سانس کی بدبو کا باعث بننے والے بیکٹیریا سے بھی لڑتا ہے۔ 

بلڈ پریشر کے مریضوں کے لیے ماہرین نے مشورہ دیا ہے کہ ایک چائے کا چمچ دھنیا اور ایک چٹکی سبزالائچی کو ایک کپ تازہ میشڈ آڑو کے جوس میں ملا کر پینے سے مدد مل سکتی ہے۔

اسے بھی پڑھیں:پہلی ملاقات پر خرچہ کون کرے؟ ڈیٹنگ ایکسپرٹ نے بحث ختم کردی

ماہر ڈاکٹر کا مشورہ ہے کہ سبزالائچی ایک ایسا مسالا ہے جسے صحت مند رہنے اور اپنی عمر بڑھانے کے لیے روزانہ کی بنیاد پر استعمال کرنا چاہیے۔

 الائچی کی چائے تمام زہریلے مادوں کو باہر نکالنے میں مدد کرتی ہے، تازگی بڑھانے کے لیے اپنی چائے میں سبز الائچی کا استعمال کریں، شواہد سے پتہ چلتا ہے کہ الائچی میں بعض مرکبات میں اینٹی آکسیڈنٹ اور سوزش کی خصوصیات ہوسکتی ہیں، ایک رپورٹ سے پتہ چلتا ہے کہ کالی مرچ اور سبزالائچی کے عرق صحت مند مدافعتی نظام کو بنانے میں مدد کرسکتے ہیں۔

 سوزش اور آکسیڈیٹیو تناؤ غیرصحت بخش وزن اور خوراک کی وجہ سے ہوتا ہے، اس لیے اسے خوراک میں استعمال کرنا بہتر ہے، سبزالائچی روایتی طور پر چینی طب اور یونانی نظام میں ہاضمہ کے مسائل کے علاج کے طور پر استعمال ہوتی رہی ہے۔ 

 الائچی سے میتھانولک عرق نکالا جاتا ہے یہ وہ جز ہے جو معدے کی تکلیف جیسے تیزابیت، پیٹ پھولنا اور پیٹ کے درد کو کنٹرول کرنے میں مدد کرتا ہے۔ سبزالائچی سے نکالا ہوا تیل معدے کے السر پر مثبت اثر ڈال سکتا ہے۔