( 24 نیوز )چیمپیئینز ٹرافی میں بنگلہ دیش اور نیوزی لینڈ کے درمیان میچ میں میدان پر گُھسنے والے تماشائی پر مقدمہ درج کرلیا گیا۔
گزشتہ روز راولپنڈی میں کھیلے گئے بنگلہ دیش اور نیوزی لیںڈ کے درمیان میچ میں کیوی بیٹر راچن رویندرا اور ٹام لیتھم سے گلے ملا تھا۔
عبدالقیوم نامی تماشائی کا تعلق فتح جنگ اٹک سے ہے، جس پر تھانہ نیوٹاون پولیس نے مقدمہ درج کیا ہے۔
عبدالقیوم ایک ہزار روپے کا ٹکٹ خرید کر میرا بخش انکلوژر میں میچ دیکھ رہا تھا جس کے بعد یاسرعرفات انکلوژر میں پہنچا اور درمیانی راستے سے جنگلہ کراس کرکے میدان میں داخل ہوا۔
یہ بھی پڑھیں:قومی ٹیم بھارت سے شکست کے بعد اسلام آباد پہنچ گئی
گراؤنڈ پر موجود سکیورٹی اہلکار پکڑنے کی کوشش کرتے رہے لیکن تماشائی کھلاڑیوں سے ملنے میں کامیاب رہا۔
اس موقع پر تماشائی کے ہاتھ میں ایک مذہبی سیاسی جماعت جماعت کا پوسٹر بھی موجود تھا۔
دوسری جانب پولیس نے نوجوان کیخلاف مقدمہ درج کرکے گرفتار کرلیا ہے تاہم بھارتی میڈیا واقعہ کو دہشتگردی سے جوڑنے کی کوشش کررہا ہے تاکہ پاکستان میں ایک مرتبہ پھر کرکٹ کے دروازوں کو بند کیا جاسکے۔