18 سالہ امریکی طالبہ نے بچے کو جنم دے کر کھڑکی سے باہر پھینک دیا

(24 نیوز) فرانس کے دارالحکومت پیرس میں ایک 18 سالہ امریکی طالبہ نے ہوٹل کے کمرے میں بچے کو جنم دینے کے بعد کھڑکی سے باہر پھینک دیا، جس کے نتیجے میں نوزائیدہ بچہ جانبر نہ ہوسکا۔

فرانسیسی حکام کے مطابق، ہوٹل کے سامنے کپڑے میں لپٹا ایک نوزائیدہ بچہ ملا جس کی ناف ابھی جڑی ہوئی تھی، پولیس نے فوری طور پر ریسکیو ٹیم کو اطلاع دی، مگر بچہ ہسپتال میں زخموں کی تاب نہ لاتے ہوئے دم توڑ گیا۔

مزید پڑھیں:ایلون مسک ایونٹ میں اپنا بیٹا بھول گئے؟ ویڈیو وائرل

امریکی طالبہ ایک مطالعاتی دورے پر پیرس آئی تھی اور یورپ میں سفر کرنے والے نوجوانوں کے ایک گروپ کا حصہ تھی واقعے کے بعد پولیس نے خاتون کو گرفتار کرلیا جبکہ زچگی کے باعث اسے ہسپتال منتقل کر دیا گیا ہے۔

پولیس نے قتل کی تحقیقات کا آغاز کر دیا ہے، حکام کا کہنا ہے کہ یہ معلوم کرنے کی کوشش کی جا رہی ہے کہ آیا خاتون نے جان بوجھ کر ایسا کیا یا کوئی اور وجوہات تھیں۔