محبت،لالچ یا تحفظ،ماں اچھی یا باپ،فیصلہ آ پ کریں 

(ویب ڈیسک ) دنیا میں ماں بننا کسی بھی عورت کیلئے دنیا کا سب سے خوبصورت ترین وقت ہوتا ہے اور یہ عورت کے لئے بڑے اعزاز کی بات سمجھی جاتی ہے لیکن آج کے تیز ترین دور میں ایک عورت ایسی منظر عام پر آئی جس نے اپنے ماں بننے کو بڑے مالی فائدے کیلئے استعمال کیا،اور اپنی سٹوری سے سب کو چونکا دیا۔

بھارتی میڈیا کی رپورٹ کے مطابق دبئی میں مقیم ملائیکہ راجہ برطانیہ کی رہائشی ہیں جو  اب اپنے کروڑ پتی شوہر اور 2 بچوں کے ساتھ دبئی میں مقیم ہیں، ملائیکہ کی اپنی شوہر سے پہلی ملاقات 2017 میں ہوئی تھی جس کے بعد دونوں کی شادی ہوگئی۔ملائیکہ راجہ بغیر ہچکچاہٹ اعتراف کرتی ہیں کہ انہوں نے پیسوں کیلئے شادی کی، شادی کے بعد انہوں نے اپنے  شوہر کو واضح طور بتا دیا تھا کہ وہ اس وقت تک ماں نہیں بنیں گی جب تک وہ  بچے اور ماں کے ’مالی تحفظ ‘ یقینی نہیں بناتے۔  ملائیکہ راجہ نے انکشاف کیا ہےکہ انہوں نے اپنےکروڑ پتی شوہر سے بچے پیدا کرنے کے لیے 33 کروڑ بھارتی روپے کا مطالبہ کیا اور  ان کے شوہر نے چہرے پر شکن لائے بغیر  رقم کی ادائیگی کی۔ملائیکہ راجہ نے مزید بتایا کہ شوہر سے ملنے والے پیسوں کو  انہوں نے اپنے اور اپنے بچوں کیلئے پرتعیش اشیاء کی خریداری پر خرچ کیا، اس رقم سے ملائیکہ نے 15 کروڑ  روپے کا ایک شاندار گھر خریدا، تقریباً 86 لاکھ روپے مالیت کے 8 ڈیزائنر بیگز، اپنی صحت کی دیکھ بھال پر بھی 70 لاکھ روپے خرچ کئےاور 70 لاکھ  کے لگژری زیورات اور اپنی بیٹی کیلئے ڈیزائنر لباس  خریدے۔

یہ بھی پڑھیں:سونے کی قیمت میں بڑی کمی