(24نیوز)قومی شاہراہ پر رحیم یار خان کے قریب چلتی کار میں آگ بھڑک اٹھی۔
ترجمان موٹروے پولیس کے مطابق قومی شاہراہ پر رحیم یار خان کے قریب ایک چلتی کار میں شارٹ سرکٹ کے باعث اچانک آگ بھڑک اٹھی۔ترجمان موٹر وے پولیس کے مطابق جس وقت حادثہ پیش آیا تو اس وقت کار کے قریب دو آئل ٹینکر بھی موجود تھے۔ترجمان کا کہنا ہے کہ موٹر وے پولیس نے بروقت کارروائی کر کے 4 افراد کو کار سے نکال لیا اور آئل ٹینکرز کو دور ہٹا دیا۔