( 24 نیوز)راولپنڈی پولیس کے ناروا رویئے کے خلاف حکومتی ارکان پنجاب اسمبلی کی جانب سے احتجاج کیا گیا ۔
تفصیلات کے مطابق پاکستان تحریک انصاف کے رکن پنجاب اسمبلی امجد چوھدری نے کہا ہے کہ سی پی او راولپنڈی احسن یونس کا رویہ نامناسب ہے، پولیس کے ناروا رویئے کے خلاف آج باقاعدہ اپنا احتجاج ریکارڈ کروائیں گے۔انہوں نے کہا کہ پی ٹی آئی راولپنڈی سے تعلق رکھنے والے ارکان اسمبلی آج اجلاس میں شریک نہیں ہوں گے، راولپنڈی پولیس کے رویئے کے خلاف ہمارے صبر کا پیمانہ لبریز ہو گیا۔
ادھر پی ٹی آئی رکن اسمبلی عمر تنویر بٹ نے کہا ہے کہ متعدد فورمز پر احتجاج کر چکے ہیں، آج کے اسمبلی اجلاس میں شریک نہیں ہوں گے۔