(24نیوز) کویت کے معاون وزیر خارجہ علی سلیمان السعید آج شام پاکستان کے دورے پر پہنچیں گے۔دونوں ممالک کے مابین اقتصادی اور تجارتی تعلقات ایجنڈے کا حصہ ہیں۔
تفصیلات کے مطابق کویت کے معاون وزیر خارجہ دورے کے دوران صدر پاکستان عارف علوی اور وزیراعظم عمران خان سے ملاقاتیں کریں گے۔ وزیر خارجہ شاہ محمود اور عسکری حکام سے بھی ملاقاتیں ہونگی۔ ذرائع کے مطابق کویتی معاون وزیر خارجہ خطے کی موجودہ صورتحال پر بھی تبادلہ خیال کریں گے،کویت کے معاون وزیر خارجہ کل مذاکرے میں بھی شرکت کریں گے۔