ٹک ٹاک صارفین کے لئے اہم خبر

(مانیٹرنگ ڈیسک)مختصر ویڈیو کے پلیٹ فارم ٹک ٹاک نے ایک نئے آپشن کی آزمائش شروع کردی ہے جس کے تحت لوگ آپ کا پروفائل دیکھیں گے تو علم ہوجائے گا کہ کس کس نے آپ کا پروفائل دیکھا ہے۔

مختلف ایپ پر تحقیق کرنے والے کیوو ایڈریانو نے اس کی خبر دیتے ہوئے کہا کہ اس سے صارفین جان سکیں گے کہ ان کا پروفائل کس نے اورکب دیکھا ہے جبکہ دیگر تفصیلات بھی معلوم کی جاسکیں گی۔

یہ بھی پڑھیں:سفری پابندی ختم۔۔بیرون ملک جانیوالوں کے لئے بڑی خبر

ایپ کی سہولت کے تحت گزشتہ 30 دن میں جس نے بھی آپ کی تفصیلات کو دیکھا ہوگا اس کا علم آپ کو ہوجائے گا یعنی ایک ماہ تک کا ریکارڈ اس پر دیکھا جاسکتا ہے۔ اس کا مقصد غالباً یہ ہوسکتا ہے کہ صارفین کی درست معلومات اور ان کے شفاف پروفائل کو یقینی بنایا جاسکے۔

یہ بھی پڑھیں:پاکستان نے سکوک بانڈ جاری کردیئے

واضح رہے کہ ایپ کی نئی سہولت سے  یکساں شوق اور دلچسپی رکھنے والے افراد ایک دوسرے کے قریب آسکیں گے اور باہمی روابط قائم کرسکیں گے۔ اس سے لوگ ٹویٹر کی طرح ایک دوسرے کو فالو بھی کرسکیں گے۔ اگرچہ ٹک ٹاک اس آپشن کو ایک سال قبل بند کرچکا ہے کیونکہ اس سے بعض مشہور شخصیات کو الجھن ہورہی تھی۔ وجہ یہ ہے کہ بعض افراد سوشل میڈیا پر دوسروں کے پروفائل اور ذاتی معلومات میں جھانکنا پسند کرتے ہیں۔