اسرائیلی فوج نے اقوام متحدہ کی امدادی ایجنسی کے مرکز پر بم برسا دیے،مزید 210فلسطینی شہید

(24 نیوز)اسرائیل کا جنگی کا جنون حد سے گزرنے لگا،غزہ میں اسرائیل کی اقوام متحدہ کی پناہ گاہ پر گولہ باری ، اسرائیلی طیاروں نے ہسپتالوں اور رہائشی عمارتوں کو نشانہ بنایا، مزید 210 فلسطینی شہید ہوگئے،شہدا کی مجموعی تعداد 25ہزار 700سے تجاوز کرگئی۔اسرائیلی فوج نےخان یونس کے لاکھوں رہائشیوںکو شہر خالی کرنےکا حکم دیدیا۔

امدادی ایجنسی کے مرکز پر گرنے والے بموں میں 9 فلسطینی شہید ہوگئے اور کئی زخمی ہیں۔اسرائیلی فوج نے 24 گھنٹوں میں مزید 250 فلسطینیوں کو شہید کردیا جب کہ جبالیہ کیمپ میں بھی رہائشی عمارت کو تباہ کردیاگیا۔اسرائیل کی جانب سے خان یونس سے لاکھوں فلسطینیوں کو جبری بے دخلی پر مجبور کردیا گیا ہے۔

علاوہ ازیں فلسطینی مزاحمت کاروں نے بھی جوابی وار کیے جس میں کئی اسرائیلی فوجی ہلاک اور زخمی ہوگئے، فلسطینی مزاحمت کاروں کے حملوں میں ایک اسرائیلی ڈرون طیارہ جب کہ کئی ٹینک اور بلڈوزر تباہ ہوئے۔

ضرور پڑھیں:خراٹوں سے روکا کیوں؟ امریکا میں ایک شخص نے پڑوسی کو قتل کردیا

دوسری جانب شمالی غزہ میں بدترین غیرانسانی صورتحال پر بھوک سے 5 لاکھ فلسطینیوں کی جان کو خطرات لاحق ہوگئے ہیں۔ادھر اٹلی نے غزہ میں اسرائیلی حملوں میں زخمی 100 فلسطینی بچوں کا علاج کرانےکا اعلان کیا ہے۔

  واضح رہے کہ امریکا نے دعویٰ کیا ہے کہ  اسرائیل غزہ میں جنگ کی شدت کم کرنے کے مرحلے کی طرف بڑھ رہا ہے، تاہم قاہرہ میں جاری مذاکرات کے دوران غزہ میں اسرائیلی فورسز کی کارروائیاں بڑھ گئی ہیں،دوسری جانب اٹلی کی طرف سے 100 فلسطینی زخمی بچوں کا علاج کرنے کا اعلان بھی سامنے آیا ہے۔