برطانیہ اور آئرلینڈ میں طوفان سے تباہی،لاکھوں گھر بجلی سے محروم

(ویب ڈیسک)برطانیہ اور آئرلینڈ کے کئی علاقوں میں آنے والے طوفان "ایووین" نے تباہی مچادی جس سے نظام زندگی مفلوج  ہوکررہ گیا۔

غیرملکی میڈیا کے مطابق شمالی بحراوقیانوس میں ایک شدید درجے کا "ایووین" نامی طوفان موجود ہے جس نے برطانیہ اور آئرلینڈ کے کئی علاقوں کو اپنی لپیٹ میں لے رکھا ہے،طوفانی ہواؤں کے سبب گاڑی پر ایک درخت آگرا جس سے ایک شخص جان کی بازی ہارگیا۔

رپورٹس میں بتایاگیا ہےکہ طوفان کی وجہ سے 160 کلومیٹر فی گھنٹہ کی رفتار سے ہوائیں چل رہی ہیں جس سے بجلی کا نظام بری طرح متاثر ہوا ہے ، 10 لاکھ سے زائد گھر بجلی سے محروم ہوگئے ہیں.

 طوفان کی وجہ سے ریلوے سروس کے ساتھ ساتھ سڑکوں پر درخت گرنے سے راستے بھی بند ہوگئے.

اس کے علاوہ فضائی آپریشن بھی شدیدمتاثرہواہے اور ایک ہزار سے زائد پروازیں منسوخ کردی گئی ہیں۔

یہ بھی پڑھیں:چین کا مصنوعی سورج 10 کروڑ ڈگری درجہ حرارت تک پہنچ گیا

برطانوی محکمہ موسمیات کی جانب سے  موسم کی خرابی کے باعث  آئرلینڈ کے شمالی علاقوں اور اسکاٹ لینڈ کے کئی حصوں میں ریڈ وارننگ جاری کی گئی ہے جبکہ شہریوں کو گھروں میں رہنے کی ہدایت بھی کی گئی ہے۔