(ویب ڈیسک)بھارتی اداکارہ راکھی ساونت کے ڈانس چیلنج پر اداکارہ ہانیہ عامر کے بعد اب اداکارہ دیدار اور نرگس نے بھی جواب دے دیا۔
ایک پاکستانی یوٹیوبر کوچندروزقبل دیئے گئے انٹرویو میں راکھی ساونت نے ہانیہ عامر، نرگس اور دیدار کو پاکستانی گانوں پر ڈانس کے مقابلے کا چیلنج کرتے ہوئے دعویٰ کیا تھا کہ وہ پاکستانی رقاصاؤں کو پیچھے چھوڑ دیں گی۔
راکھی ساونت کا کہنا تھا کہ وہ ہانیہ عامر، دیدار اور نرگس کو بیک وقت پیچھے چھوڑ دیں گی کیونکہ پاکستانی اداکارائیں ان جیسا ڈانس نہیں کر سکتیں۔
راکھی ساونت کا کہنا تھا کہ وہ مسلسل 24 گھنٹے تک ڈانس کر سکتی ہیں اور ان کا چیلنج ہے کہ کوئی ان سے ڈانس میں آگے نہیں جا سکتا،اگر وہ اور پاکستانی اداکارائیں ڈانس مقابلہ کریں گی تو دیکھنے والے پانی پانی ہوجائیں گے، ان سے ڈانس دیکھا نہیں جائے گا۔
راکھی ساونت کے ڈانس چیلنج پر ہانیہ عامر نے دلچسپ ردعمل کا اظہار کیا تھا، اب دونوں بہنوں دیدار اور نرگس نے بھی اپنا رد عمل دے دیا جس کی ویڈیوز بھی وائرل ہوگئی ہیں۔
اداکارہ دیدار نے اپنے ٹک ٹاک پر راکھی ساونت کے انٹرویو کی آڈیو کلپ پر اپنی ویڈیو شیئر کرتے ہوئے راکھی ساونت کی آواز پر لپسنگ کی، انہوں نے ہانیہ عامر کے لپسنگ کے انداز کو کاپی کیا۔
نرگس نے بھی راکھی ساونت کی آڈیو کلپ شیئر کرتے ہوئے اس پر لپسنگ کی اور ساتھ ہی بھارتی اداکارہ سے معذرت کی۔
نرگس نے راکھی ساونت کی آڈیو کلپ کے ساتھ بتایا کہ انہوں نے شوبز سے کنارہ کشی اختیار کرلی ہے، وہ ڈانس چیلنج قبول نہیں کر سکتیں۔