گوہررشید اور کبریٰ خان نے شادی کا باضابطہ اعلان کردیا
Stay tuned with 24 News HD Android App
(ویب ڈیسک) شوبز کی معروف جوڑی مرزا گوہر رشید اورخوبرو اداکارہ کبریٰ خان نے شادی کا باضابطہ طور پر اعلان کردیا۔
گوہر رشید اور کبریٰ خان نے فوٹو اینڈ ویڈیو شیئرنگ ایپ انسٹاگرام پر ایک دلچسپ ویڈیو کے ذریعے اپنی شادی کا اعلان کیا جو سوشل میڈیا پر مداحوں کی توجہ کا مرکز بنی ہوئی ہے۔
ویڈیو میں مومل شیخ، شہزاد شیخ اور ان کی اہلیہ، ہمایوں سعید اور دیگر نامور فنکاروں کو دلچسپ انداز میں "میرے یار کی شادی"پر تبصرہ کرتے دکھایا گیا ہے،اس ویڈیو کے کیپشن میں لکھا ہے "آپ کے پیار اور دعاؤں کے ساتھ بسم اللہ۔"
ویڈیو کے آخر میں مرزا گوہر رشید اور کبریٰ خان ایک جیسی ہوڈی میں ملبوس مزاحیہ انداز میں بتاتے ہیں کہ وہی ہیں جن کی شادی ہورہی ہے جس پر کبریٰ خان شرما جاتی ہیں اور گوہر رشید ان کو گلے لگا لیتے ہیں۔
واضح رہے کہ سوشل میڈیا پر گزشتہ ماہ سے کبریٰ خان اورمرزا گوہر رشید کی شادی کی تیاریوں کی قیاس آرائیاں کی جارہی تھیں،تاہم اب شوبز کی اس خوبصورت جوڑی نے شادی کے بندھن میں بندھنے کا اعلان کر کے ان افواہوں کی تصدیق کردی ہے۔