اوکاڑہ میں بس الٹ گئی۔۔ 2 افراد جاں بحق۔۔ 15 زخمی

  (24 نیوز) اوکاڑہ جی ٹی روڈ پر کسان اڈہ کے قریب مسافروں سے بھری بس بے قابو ہو کر روڈ پر الٹ گئی، حادثے میں دوافراد جاں بحق اور 15 زخمی ہو گئے۔

تفصیلات کے مطابق حادثہ موٹر سائیکل سواروں کو بچاتے ہوئے پیش آیا۔ بس کی ٹکر سے موٹر سائیکل پر سوار میاں بیوی موقع پر جاں بحق ہوگئے اور بس میں سوار 15افراد شدید زخمی ہوئے۔اطلاع ملنے پر متعلقہ پولیس اور ریسکیو 1122 ٹیمیں موقع پر پہنچ گئی، جاں بحق ہونے والوں کی شناخت نہیں ہوئی تاہم لاشوں کو تحویل میں لے لیا گیا جکہ زخمی ہونے والے افراد کو ڈسٹرکٹ ہسپتال منتقل کردیاگیا۔ عینی شاہدین کا کہنا ہے کہ حادثہ بس کی تیز رفتاری اور موٹر سائیکل کی ٹکر سے پیش آیا۔

یہ بھی پڑھیں: نور مقدم کیس۔۔ ملزم ظاہر جعفر کے والدین بھی گرفتار۔۔اہم انکشافات سامنے آ گئے