ڈیزائن تیار،  75 روپے کا نوٹ کب جاری ہوگا۔۔؟سٹیٹ بینک نے اعلان کردیا

 (ویب ڈیسک)پاکستان کی 75 ویں سالگرہ پر سٹیٹ بینک نے 75 روپے کا یادگاری نوٹ جا ری کرنے کا اعلان کردیا۔

تفصیلات کےمطابق سٹیٹ بینک آف پاکستان  نے 75 روپے کے نوٹ کےڈیزائن کو حتمی شکل دے دی ہے۔75 روپے کا یادگاری نوٹ ملک کی 75 ویں جشن آزادی پر جاری کیا جائے گا۔

 سٹیٹ بینک نے واضح کیا ہے کہ ملک کی 75 ویں سالگرہ کے حوالے سے سوشل میڈیا کے مختلف پلیٹ فارمز پر گردش کرنے والے 75 روپے کے ڈائزئن کی تصاویر جعلی ہیں۔

قبل ازیں ملک کی 50 ویں سالگرہ( 13 اگست 1997) کے موقع پر 5 روپے کا نوٹ جاری کیا گیا تھا، اسٹیٹ بینک یادگاری کرنسی کے اجراء کے ذریعے پاکستان کی تاریخ کے اہم واقعات کو یادگار بنانے کیلئے اہم خدمات سرانجام دے رہا ہے۔

یہ بھی پڑھیں: گھی اور کوکنگ آئل کی قیمتوں کے حوالے اہم خبر آ گئی

 ملکی ممتاز شخصیات کو خراج تحسین پیش کرنے اور مختلف تاریخی واقعات کو مدنظر رکھتے یادگاری سکے بھی جاری کئے ہیں۔