تحریک انصاف کاجلسہ۔۔ترین گروپ نے بھی بڑا اعلان کردیا

(24 نیوز)ترین گروپ اور وزیراعظم عمران خان  کے درمیان معاملات  پوائنٹ آف نوریٹرن پر پہنچ گئے۔

ترین گروپ  نے  مائنس بزدار کے بعد ایک اور بڑا فیصلہ کرتے ہوئے تحریک انصاف کے 27 مارچ کو ہونے والے جلسے سے لاتعلقی کا اعلان کردیا۔ ترین گروپ کا  کہنا ہے کہ ترین گروپ کے اراکین 27 مارچ کو اسلام آباد جلسے میں نہیں جائیں گے۔جلسے میں نہ جانے کا فیصلہ مشاورت سے کیا گیا۔گروپ اراکین نے فیصلے سے متعلق جہانگیرترین کو بھی آگاہ کردیا ہے۔

یہ بھی پڑھیں: تحریک عدم اعتماد پر ووٹنگ کب ہوگی؟ شیخ رشید نےبتا دیا

 واضح رہے کہ ترین گروپ کی جانب سے بار بار عثمان بزدار کی تبدیلی کا مطالبہ کیا جارہا ہے۔ گذشتہ روز ترجمان ترین گروپ عون چودھری نے بھی کہا تھا جب تک وزیراعلیٰ پنجاب کو تبدیل نہیں کیا جاتا حکومت کیساتھ معنی خیز اور سنجیدہ مزاکرات نہیں ہوسکتے۔
یہ بھی پڑھیں:   ن لیگ کا 28 مارچ کو اسلام آباد میں جلسہ کرنیکا اعلان