(24نیوز) ہدایت کار کامران شاہد کی فلم ’ہوئے تم اجنبی‘کا ٹریلر جاری کردیا گیا ہے۔
فلم ہوئے تم اجنبی کی کہانی میں ناظرین کو 1971 کی جنگ کے پس منظر میں ہونے والی ان کہی محبت کی داستانوں کو پیش کیا جائے گا ۔
فلم اسٹار میکال ذوالفقار اور سعدیہ خان مرکزی کردار ادا کررہے ہیں جبکہ سہیل احمد، محمود اسلم، شفقت چیمہ، ثمینہ پیرزادہ، عائشہ عمر، شمعون عباسی، علی خان اور فلمسٹار شاہد بھی نظر آئینگے۔
یہ فلم معروف اینکر و ہدایت کار اور اداکار شاہد کے صاحبزادے کامران شاہد نے تحریر کی ہے۔
مزید پڑھیں: بشریٰ اقبال کا مرحوم عامر لیاقت کو خراج تحسین
اس رومانوی داستان میں صوفی موسیقی کی ملکہ عابدہ پروین‘ باقر عباس‘ساحر علی بگا‘نجات اور نوید ناشاد جیسے لیجنڈز کی دل کو چھو لینے والی موسیقی کے گیارہ شاہکار پیش کئے گئے ہیں۔
علی ظفر کے علاوہ عابدہ پروین اور عاصم اظہر نے فلم میں اپنی آواز کا جادو جگایا ہے۔
دوسری جانب لالی ووڈ کی تاریخ میں پہلی بار، جی سی یو لاہور میں کامران شاہد کی فلم "ہوئے تم اجنبی" کے ٹریلر لانچ کی تقریب کی گئی ۔
اس فلم میں پریمیئر ہونے والے گانے کا نام "رانجھے بینا" ہے اور اسے لیجنڈ اداکارہ عابدہ پروین نے گایا ہے۔
یاد رہے کہ اس فلم کو عیدالفطر پر ملک کے تمام سینما گھروں میں نمائش کیلئے پیش کیا جا ئے گا۔