(24 نیوز ) بالی ووڈ انڈسٹری کی نامور اداکارہ رانی ککھر جی کا اپنے مس کیرج پر ناقدین کو جواب دیتے ہوئے کہنا ہےکہ یہ عمر بچے پیدا کرنے کی نہیں اپنی اکلوتی بیٹی پر توجہ مرکوز ہے ۔
تفصیلات کے مطابق بھارتی اداکار اکثر اپنی زندگی میں پیش آنے والے واقعات کی بنا پر سب کی توجہ خوب سمیٹ لیتے ہیں، کچھ زندگی سے تنگ آ جاتے ہیں تو کچھ اس زندگی سے بہت کچھ سیکھ لیتے ہیں،معروف بھارتی اداکارہ رانی مکھرجی نے بھی اپنی زندگی میں مشکل لمحے سے متعلق بتایا ہے، جب ان کا مس کیرج ہوا تھا اور وہ دوبارہ ماں نہیں بن پائی تھیں۔
رانی مکھرجی میلبرن میں ہونے والے انڈین فلم فیسٹیول میں بھی اپنے مس کیرج کے حوالے سے اظہار خیال کر چکی ہیں، تاہم ایک بار پھر اس مشکل لمحے سے متعلق مداحوں سے اپنے جذبات شئیر کیے ہیں،ان کا کہنا تھا کہ ظاہر ہے، یہ لمحہ بہت مشکل تھا،میں نے 7سال تک دوسرے بچے کے لیے کوشش کی،میری بیٹی اب 8 سال کی ہو گئی ہے، وہ ڈیرھ سال کی تھی، جب ہم نے دوسرے بچے کا سوچا، اگرچہ میں حاملہ بھی ہو گئی تھی، تاہم میں نے اپنا دوسرا بچہ کھو دیا تھا۔
اداکارہ کا کہنا تھا کہ وہ میرے لیے بہت بہت امتحان والا وقت تھا، اور اب میں جوان بھی نہیں ہوں اگرچہ میں جوان لگتی ہوں،رانی مکھرجی کا کہنا تھا کہ کہ میں اب 46 سال کی ہو جاوں گی، یہ عمر بچے پیدا کرنے کے لیے نہیں ہے، یہ میرے لیے تکلیف دہ ہے کہ میں اپنی بیٹی کو اس کا بھائی یا بہن نہیں دے پائی،میرے لیے ادیرا ایک معجزاتی اولاد ہے، میں بے حد خوش ہوں کہ مجھے ادیرا ملی ،ادیرا میرے لیے کافی ہے۔
اس سے قبل 2023 میں رانی مکھرجی نے پہلی مرتبہ اپنے مس کیرج سے متعلق میڈیا سے باضابطہ بات چیت کی تھی، جس میں ان کا کہنا تھا کہ یہ پہلی مرتبہ ہے کہ میں اس بات کا انکشاف کر رہی ہوں کہ کیونکہ آج کے دور میں ہماری زندگی پبلک میں چرچہ کا باعث بنتی ہے۔
یہ بھی پڑھیں :کپتان پھر خطرے میں