(24نیوز)طورخم سرحدی کراسنگ کو ایک ماہ بعد پیدل مسافروں کے لیے دوبارہ کھول دیا گیا۔
پاکستانی حکام نے مسلسل سرحدی مسائل کو بات چیت کے ذریعے حل کرنے پر زور دیا ہے، جو امن اور علاقائی سلامتی کی جانب ان کی پختہ وابستگی کو ظاہر کرتا ہے۔
طورخم سرحدی کراسنگ کو ایک ماہ بعد پیدل مسافروں کے لیے دوبارہ کھول دیا گیا ہے اور تمام تجارتی کارواں، پیدل مسافر اور مریض اس فیصلے کے فوائد حاصل کر رہے ہیں۔تجارتی کارواں کے لیے طورخم سرحدی کراسنگ کی کھولائی کے بعد پاکستان نے خیر سگالی اور استحکام کے لیے اپنی وابستگی کا مظاہرہ کرتے ہوئے پیدل مسافروں کے لیے بھی اسے دوبارہ فعال کر دیا ہے۔
حکام نے یقینی بنایا کہ جائز سرحد پار ٹریفک فوری طور پر دوبارہ شروع ہو گئی، جس سے افغانستان کے ساتھ سماجی اور اقتصادی تعلقات میں پاکستان کی حمایت واضح ہوئی۔پاکستان نے افغان مریضوں کے لیے خصوصی انتظامات کیے، جن میں اہم اور سنگین معاملات بھی شامل ہیں تاکہ سخت دستاویزاتی جانچ کے باوجود مریضوں کو بروقت علاج فراہم کیا جا سکے،اس کے علاوہ پاکستانی حکام نے افغانستان پر واضح کیا تھا کہ ٹاورز سرحدی ٹرمینل میں تاجروں اور مریضوں کو سہولت فراہم کرنے کے لیے بنائے جا رہے ہیں۔