(ارشاد قریشی)پاکستان تحریک انصاف (پی ٹی آئی) رہنما سلمان اکرم راجہ نے کہا ہے کہ اڈیالہ جیل میں عمران خان سے کچھ ملاقاتیں اوپر سے کرائی جارہی ہیں،بانی کو ملاقاتوں کے حوالے سے عدالتی کاروائی سے متعلق آگاہ کیا ہے۔
بانی پی ٹی آئی سے ملاقات ختم ہونے کے بعد بیرسٹر سلمان اکرم راجہ، نیاز اللہ نیازی و دیگر وکلاء نےمیڈیا سے گفتگو کی، صحافیوں سے غیر رسمی گفتگوسلمان اکرم راجہ کا کہنا تھا کہ ہماری بانی سے ملاقات ہوئی ہے،بانی کی بہنوں کو ملاقات کی اجازت نہیں ملی،بہنوں کی ملاقات نہ کرانے پر توہین عدالت کی درخواست دائر کرینگے۔
ان کا کہنا تھا کہ بانی کو ملاقاتوں کے حوالے سے عدالتی کاروائی سے متعلق آگاہ کیا ہے،بانی کو بتایا ہے ہمارے لئے ملاقات ضروری ہے میڈیا سے گفتگو کہیں بھی ہوسکتی ہے،بانی نے میرے موقف کی تائید کی ہے،انہوں نے مزید کہا کہ جیل میں کچھ ملاقاتیں اوپر سے کرائی جارہی ہیں،بانی کو بتایا ہے اس سے پارٹی ڈسپلن خراب ہوتا ہے۔
یہ بھی پڑھیں : بابر اعوان کو عمران خان سے ملاقات کی اجازت ملنے پر جیل کے گیٹ پر پارٹی رہنماوں کا ہنگامہ