لانگ مارچ میں شریک تحریک انصاف کے عہدیدار فیصل چودھری پل سے گر کر جاں بحق

(24 نیوز)لانگ مارچ میں شریک انصاف ویلفیئر ونگ سمن آباد کے عہدیدار فیصل چودھری پل سے گر کر جاں بحق ہو گئے۔
پاکستان تحریک انصاف نے الزام عائد کیا ہے کہ بتی چوک پل سے پولیس والوں نے فیصل عباس کو دھکا دے کر گرایا، پی ٹی آئی پنجاب کے صدر شفقت محمود کاکہناہے کہ فیصل عباس کا قاتل شہبازشریف اور رانا ثنا اللہ ہے ،امپورٹڈ حکومت ہمارے معصوم کارکنوں کی خون کی پیاسی ہے،ان کاکہناتھا کہ پی ٹی آئی کے کارکن کے والدین ن لیگ کو بددعائیں دے رہے ہیں ۔
پی ٹی آئی رہنما مسرت جمشید چیمہ کاکہناہے کہ رانا ثنا اللہ پی ٹی آئی کے کونسلر فیصل عباس کے قاتل ہیں ، رانا ثنا اللہ کی ایما پر پولیس نے پی ٹی آئی کے نہتے کارکنوں پر تشدد کیا۔

فیصل عباس شہید کے گھر کے مناظر۔۔۔۔
محلے کا چہیتا آج ایک فاشسٹ حکومت کے ظلم و ستم کا شکار ہوگیا۔۔

إنّا لله وإنّا إليهِ رَاجعُون pic.twitter.com/1dYyCOB9Kh

— Waqas Amjad ( محترم ) (@waqas_amjaad) May 25, 2022

یہ بھی پڑھیں: ڈیڑھ دو گھنٹے میں اسلام آباد پہنچ رہاہوں، عمران خان