نا معلوم گاڑی کی ٹکر سے پولیس اہلکار جاں بحق

(24نیوز)پنجاب کے ضلع اوکاڑہ میں ایک گاڑی نے ٹکر مارکر ایک پولیس اہلکار جس کا نام شہر یار بتایا جا رہا ہے ،کو جاں سے مار دیا ۔شہر یار جو کہ ضلع اوکاڑہ میں کانسٹیبل کے عہدے پر فائز تھا اپنی ڈیوٹی کر کے واپس اپنے گھر جا رہا تھا ،کہ نامعلوم کار نے ٹکر مار دی ،جس کے نتیجے میں پولیس اہلکار جاں بحق ہو گیا۔موقع کے گواہان کے مطابق کوئی گاڑی کا نمبر نوٹ نہ کر سکا۔ جس کی وجہ سے مفرور ڈرائیور کو بھاگنے میں آسانی رہی۔

تفصیلات کے مطابق:اوکاڑہ پولیس کے مطابق مذکورہ پولیس اہلکار جس کا نام شہر یار ہے نامعلوم گاڑی کی ٹکرسے جاں بحق ہوگیاہے۔ ٹکر مارنے والا  نا معلوم شخص حادثہ رونما ہونے کے بعدگاڑی کو بھگاتے ہوئے موقع سے  فرار ہونے میں کامیاب ہو گیا۔مزید یہ کہ اوکاڑہ پولیس کا یہ بھی کہنا ہے، کہ کانسٹیبل شہریار ڈیوٹی دینے کے بعد واپس گھر جا رہا تھا،کہ  راستے میں نا معلوم گاڑی کے حادثے کا شکار ہوگیا۔پولیس نے جاں بحق ہونے والے کانسٹیبل شہر یار کی لاش ہسپتال منتقل کر کے اس کے گھر اطلاع کر دی گئی ہے ،جبکہ حادثے کے ذمے دار مفرور ڈرائیور کو گرفتار کرنے کی کوشش کی جا  رہی ہے۔