ملتان: بغیراجازت ریلی نکالنے پر علی موسیٰ گیلانی گرفتار ، بلاول بھٹو کی مذمت

(24 نیوز)ملتان میں پیپلزپارٹی کی بغیراجازت ریلی نکالنے پر پولیس نے علی موسیٰ گیلانی کو گرفتار کرلیااور مقدمہ درج کرلیا، مقدمے میں سابق وزیراعظم یوسف رضاگیلانی کے چاروں بیٹوں کو نامزد کیاگیاہے،چیئرمین بلاول بھٹوزرداری نے علی موسیٰ گیلانی کی گرفتاری کی شدید مذمت کی ہے۔
تفصیلات کے مطابق پی ڈی ایم کی جانب سے حکومت مخالف ریلی نکالنے کے معاملے میں ملتان میں موسیٰ گیلانی کوپولیس نے گرفتارکرلیا۔ تھانے چہلیک کے باہر کارکنان کی کثیر تعداد موجود ہے ،حکومت مخالف شدید نعرے لگائے جا رہے ہیں۔علی موسیٰ گیلانی کاکہناہے کہ اپنے خلاف درج ایف آئی آرمانگی لیکن نہیں دی جارہی،پولیس کاکہناہے کہ علی موسیٰ گیلانی کےخلاف پابندی کے باوجود ریلی نکالنے پر مقدمہ درج کیاگیاہے،ایف آئی آرمیں عبدالقادرگیلانی،علی موسیٰ گیلانی،ایم پی اے علی قاسم گیلانی نامزدہیں،یوسف رضاگیلانی کے صاحبزادے عبدالقادرگیلانی بھی گرفتاری دینے تھانے پہنچ گئے.
چیئرمین پیپلزپارٹی بلاول بھٹو زرداری نے علی موسیٰ گیلانی کی گرفتاری کی شدید الفاظ میں مذمت کرتے ہوئے کہاہے کہ علی موسیٰ گیلانی کی گرفتاری سلیکٹڈحکمرانوں کی غنڈاگردی ہے، دھاندلی کی پیداوارحکومت اب عوامی تحریک کوطاقت سے دبانا چاہتی ہے.

Arrest of PPP’s @SyedMusaGillani in the run up to PDM’s Multan jalsa shows regime is scared. They know people stand with democracy not with selected government. Such tactics will not deter us. Protest is our democratic right & we will do so on Nov 30th no matter what. #FreeMusa pic.twitter.com/9fdJ4XBWDT

— BilawalBhuttoZardari (@BBhuttoZardari) November 25, 2020

سیکرٹری اطلاعات پیپلز پارٹی سینیٹر مولابخش چانڈیو کاکہناہے کہ عمران خان کی حکومت خاتمے کی طرف تیزی سے قدم بڑھا رہی ہے ،ملتان میں علی موسیٰ گیلانی اور دیگر کارکنوں کی گرفتاریاں آمرانہ اقدام ہے۔