"جنم دن مبارک میری ملکہ"یاسرحسین کی اقراعزیزکی سالگرہ پرسرپرائزپارٹی
آپ کو تبدیل ہونے کی ضرورت نہیں کیونکہ آپ پرفیکٹ ہیں،لمبی زندگی گزاریں
Stay tuned with 24 News HD Android App
(ویب ڈیسک)ٹی وی کی باصلاحیت اداکارہ اقرا عزیزنے گذشتہ روزاپنی 27 ویں سالگرہ منائی۔
اقرا عزیز کی سالگرہ کے موقع پر ان کے شوہر اورمعروف اداکار یاسر حسین نے ان کے لیے ایک سرپرائز پارٹی کا اہتمام کیا جس کی ویڈیو انہوں نے اپنے انسٹاگرام پر شیئر کی ہے۔
انسٹاگرام پوسٹ میں یاسر حسین نے اپنی شریک حیات کیلئے محبت کا اظہار کرتے ہوئے لکھا کہ "جنم دن مبارک میری ملکہ، آپ لمبی زندگی گزاریں۔"
انہوں نے مزید لکھا کہ’’ایک اور سال اور آپ جیا بچن کی طرح میٹھی،مائیک ٹائسن کی طرح مضبوط اور پاکستان کے فیصلہ سازوں کی طرح عقل مند ہوتی جارہی ہیں۔‘‘
یاسر حسین نے مزید لکھا کہ حقیقت میں آپ کو تبدیل ہونے کی ضرورت نہیں کیونکہ آپ پرفیکٹ ہیں، لو یو۔
وائرل پوسٹ کے کمنٹس سیکشن میں شوبزکی اس مقبول اورخوب صورت جوڑی کے مداح اداکارہ کو سالگرہ کی مبارکباد دے رہے ہیں ۔
واضح رہے کہ اقرا عزیز اور یاسر حسین دسمبر 2019 میں شادی کے بندھن میں بندھے تھے اوردونوں کا ایک بیٹابھی ہے۔