(ویب ڈیسک) ملکۂ ترنم نور جہاں کے پوتے اوراداکارسکندر رضوی رشتۂ ازدواج میں بندھ گئے۔
فوٹو اینڈ ویڈیو شیئرنگ پلیٹ فارم انسٹا گرام پر اداکار کی کنٹریکچول میرج کی ویڈیو منظرِ عام پر آئی ہے،اس وائرل ویڈیو میں نور جہاں کے پوتے سکندر رضوی ایرین نامی ہسپانوی لڑکی کے ساتھ شادی کے بندھن میں بندھتے ہوئے نظر آ رہے ہیں۔
وائرل تصاویر اور ویڈیوز میں اداکار سفید شلوار قمیض اور ہلکی گلابی دستار پہنے نظر آئے جبکہ ان کی ہسپانوی دُلہنیا نے ہلے گلابی لہنگے کا انتخاب کیا ہے۔
خیال رہے کہ سکندر رضوی نے 2015ء میں ریلیز ہونے والی فلم "دیکھ مگر پیار سے" سے اداکاری کے میدان میں قدم رکھاتھا ،اس کے بعد وہ 2017ء میں ریلیز ہونے والی فلم "یلغار"میں سپورٹنگ کردار میں بھی دکھائی دیئے تھے، وہ اداکاری کے علاوہ کراچی میں دو ریستوران بھی چلاتے ہیں،ان کی بہن سونیا جہاں بھی بالی ووڈ اور ہالی ووڈ میں اداکاری کے جوہر دکھا چکی ہیں۔