"کس سے شادی کرنا چاہتی ہوں؟" رشمیکا مندنا نے اشارہ دے دیا

(ویب ڈیسک)تامل فلموں کی معروف اداکارہ رشمیکا مندنا نے وجے دیوراکونڈا کے ساتھ تعلقات کی افواہوں پر تصدیق کا اشارہ دے دیا۔

بھارتی میڈیا کے مطابق اداکارہ رشمیکا مندنا نے ساتھی اداکار وجے دیوراکونڈا کے ساتھ تعلقات کی افواہوں کو بالواسطہ طور پر تسلیم کرلیا ہے۔

ایک تقریب کے دوران میزبان نے رشمیکا سے سوال کیا کہ وہ جس شخص سے شادی کرنا چاہتی ہیں، کیا وہ فلم انڈسٹری سے تعلق رکھتا ہے؟ اس پر رشمیکا نے مسکراتے ہوئے کہا کہ سب کو معلوم ہے،لیکن انہوں نے وجے دیوراکونڈا کا نام براہ راست لینے سے گریز کیا۔

مزید گفتگو کے دوران میزبان نے رشمیکا سے ان کے پسندیدہ انسان اور شادی کے خوابوں کے بارے میں سوالات کیے تو رشمیکا نے کہامجھے معلوم ہے کہ آپ یہی جواب چاہتے ہیں‘ تاہم اداکار نے مزید سوالات کا واضح جواب دینے سے پرہیز کیا۔  

اداکارہ کے اس انٹرویو سے ایک روز قبل ہی ان کی اداکار وجے دیوراکونڈا کے ساتھ "لنچ ڈیٹ" کی تصویر وائرل ہوئی تھی، جس سے ان کے تعلقات کی افواہیں مزید زور پکڑ گئیں۔

 یاد رہے کہ رشمیکا اور وجے دیوراکونڈا کے درمیان تعلقات کی افواہیں کافی عرصے سے زیرِ گردش ہیں لیکن دونوں نے کبھی اپنے تعلق کو باقاعدہ طور پر تسلیم نہیں کیا،تاہم ان کے مداحوں میں یہ جوڑی کافی مقبول ہے اور وہ اکثر سوشل میڈیا پر ان کی تصویریں اور ویڈیوز شیئر کرتے رہتے ہیں۔