(ویب ڈیسک)برطانوی نژاد پاکستانی باکسر عامر خان نےٹی 20ورلڈ کپ میں پاکستان کی بھارت کے خلاف تاریخی فتح کے بعد سٹیڈیم میں میچ دیکھنے کے لئے آئے بھارتی اداکار اکشے کمار کے ساتھ ایک ویڈیو بنا کر شیئر کردی ہے۔
باکسر عامر خان نے فوٹو اینڈ ویڈیو شیئر نگ ایپ انسٹا گرام پرٹی 20ورلڈ کپ میں پاکستان کی تاریخی کامیابی کی خوشی میں بھارتی اداکار اکشے کمار کے ساتھ ایک پُر مزاح ویڈیو شیئر کی جوکہ سوشل میڈیا پر وائرل ہوگئی ، عامر خان ویڈیو میں پاکستان کی جیت پر بہت خوش اور بھارت کو میچ میں پاکستان کے ہاتھوں بری طرح ہارنے پر اکشے کمار کو تنگ کرتے نظر آرہے ہیں ۔ اس موقع پر بھارتی اداکار ہوٹوں پر مسکراہٹ لا کر اپنے غم کو کم کرنے کی کوشش کر رہے ہیں۔
خیال رہے کہ پاکستانی کپتان بابر اعظم اور محمد رضوان کی ناقابل شکست نصف سنچریوں کی بدولت پاکستان نےگزشتہ روز بھارت کو 10 وکٹوں سے شکست دے کر ٹی 20 ورلڈ کپ میں اپنے حریف سے پہلی بار فتح حاصل کی۔
یہ بھی پڑھیں: بھارت سے تاریخی فتح۔۔ پاکستانیوں کا جشن ۔۔ ویڈیو دیکھیں