بھارت سے جیت ۔۔۔۔پاکستان ورلڈ کپ کیلئے فیورٹ قرار

(24نیوز)ٹی ٹوئنٹی ورلڈ کپ میں بھارت کو شکست دینے کے بعد پاکستان کو ورلڈ کپ کے لئے فیورٹ قرار دیا جارہا ہے ۔
تفصیلات کے مطابق بھارت سے جیت کے بعد سابق کرکٹرز پاکستان کو ورلڈ کپ کیلئے فیورٹ قرار دے رہے ہیں۔بھارتی کمنٹیٹر ہرشا بھوگلے نے بھارتی باولنگ کے حوالے سے کہا کہ بھارت کی باولنگ میں کوئی جان نہیں تھی اور اس نے مخالف ٹیم کے سامنے کچھ زیادہ چیلنجز نہیں رکھے۔اس سے قبل کی گئی ایک ٹوئٹ میں ہرشا بھوگلے نے میچ کے بعد نوجوان پاکستانی کھلاڑیوں اور ایم ایس دھونی کی ملاقات کو بھی سراہا۔

What a statement Pakistan just made in the #ICCT20WorldCup2021 Now favourites in my opinion after that emphatic win over India. Just a super all round & impressive performance. Babar Azam continues to enhance his reputation as one of the best batters in the world in all forms !!

— Shane Warne (@ShaneWarne) October 24, 2021

انگلینڈ سے تعلق رکھنے والے کمنٹیٹر اور سابق کھلاڑی مائیکل وان نے پاکستان کی فتح پر ٹوئٹ کرتے ہوئے پی سی بی کو مبارک باد دی اور کہا کہ فیورٹس کی پٹائی کرنا اسے کہتے ہیں۔سابق پاکستانی فاسٹ باولر شعیب اختر نے ایک ٹوئٹ کی جس میں بھارتی کرکٹر ہربجھن سنگھ کو مخاطب کرتے ہوئے پوچھا کہ ہاں جی! واک اوور چاہیے؟

کرکٹ کمنٹیٹر اور سابق آسٹریلوی کرکٹر شین وارن نے بھی پاکستان کی فتح کے بعد ٹوئٹ کرتے ہوئے کہا کہ بھارت کے خلاف اس زبردست جیت کے بعد میری رائے میں پاکستان اب فیوریٹ ہے۔
یہ بھی پڑھیں:رضوان نے وہی سٹروکس کھیلے جن کی وہ پریکٹس کرتےرہے ۔۔آئی سی سی نے ویڈیو وائرل کر دی