”ہم پاکستان سے ہاریں گے“دھونی کی 5 سال پہلے پیشگوئی کی ویڈیو وائرل

(ویب ڈیسک)ٹی20 ورلڈکپ کے دبئی میں کھیلے گئے میچ میں پاکستان نے روایتی حریف بھارت کو 10 وکٹوں سے شکست دے دی۔ گرین شرٹس کی اس تاریخی فتح کے بعد انڈیا کے سابق کپتان مہندرا سنگھ دھونی کی پرانی ویڈیو وائرل ہو رہی ہے جس میں انہوں نے اپنی ٹیم کی شکست کی پیشگوئی کی تھی۔
دھونی کی یہ ویڈیو2016 کے ورلڈ کپ میں پاک بھارت میچ کے بعد کی گئی پریس کانفرنس کی ہے۔ پاکستان کو ہرانے کے بعد دھونی نے کہا تھا کہ "اگر آپ کو اس پر فخر ہے کہ ہم ورلڈ کپ میں پاکستان سے 11 صفر سے آگے ہیں تو یہ بھی ایک سچائی ہوگی کہ ہم آج نہیں تو کل ضرور ہاریں گے۔ خواہ آج ہاریں ، 10 سال بعد ہاریں ،20 سال بعد ہاریں یا 50سال بعد ہاریں ، لیکن ایسا نہیں ہوسکتا کہ آپ ہمیشہ جیتتے رہیں گے۔"

یہ بھی پڑھیں: قومی کرکٹر محمد حفیظ کی اہلیہ کی پاک بھارت میچ دیکھتے تصویریں وائرل
خیال رہے کہ 2016 میں کولکتہ میں ٹی 20 ورلڈ کپ کے میچ میں بھارت نے پاکستان ٹیم کو چھ وکٹوں سے شکست دی تھی۔ پاکستان نے پہلے بیٹنگ کرتے ہوئے پانچ وکٹوں کے نقصان پر 118 رنز بنائے تاہم بھارت نے چار وکٹوں کے نقصان پر یہ ہدف حاصل کرلیا تھا۔

"ہم آج نہیں تو کل پاکستان سے ضرور ہاریں گے" دھونی کی پانچ سال پہلے کی گئی حقیقت پسندانہ پیشگوئی#PakvsIndia #MaukaMauka #BabarAzam #T20WorldCup2021 pic.twitter.com/8rDZxhneEu

— Sarfraz Raja (@Sarfraz_Raja90) October 25, 2021

یہ بھی پڑھیں: جیجا جی جیجاجی۔۔۔بھارتی فینز کی گراﺅنڈ میں شعیب ملک کو آوازیں،ثانیہ مرزا نے ویڈیو ٹوئٹ کردی