حکومت کا سپریم کورٹ پریکٹس اینڈ پروسیجر ایکٹ میں ترمیم لانے کا فیصلہ

(24 نیوز )وفاقی حکومت نے سپریم کورٹ پریکٹس اینڈ پروسیجر ایکٹ میں ترمیم کرنے کا فیصلہ کرلیا ۔

ذرائع کے مطبق ترمیم نجی قانون سازی کے ذریعے لائی جائے گی،جس کا مقصد 26 ویں آئینی ترمیم سے مطابقت پیدا کرنا ہے ،ذرائع کا کہنا ہے کہ قومی اسمبلی میں منگل کو ترمیم لائی جائے گی، حکومتی اراکین کو اسمبلی اجلاس میں حاضری یقینی بنانے کی ہدایت کی گئی ہے،یاد رہے رواں سال ستمبر میں صدر مملکت آصف زرداری پریکٹس اینڈ پروسیجر ترمیمی آرڈیننس پر دستخط کر دیے ہیں جس کے بعد اب یہ قانون بن گیا ہے،اس سے قبل وفاقی کابینہ نے سرکولیشن سمری کے ذریعے آرڈیننس کی منظوری دی تھی۔