اٹک جیل حکام کی چیئرمین پی ٹی آئی کو اڈیالہ جیل منتقل کرنے کی تردید 

(24 نیوز)اٹک جیل حکام نے چیئرمین پی ٹی آئی کو اڈیالہ جیل منتقل کرنے کی تردید کردی۔
جیل ذرائع کاکہنا ہے کہ پی ٹی آئی چیئرمین تاحال اٹک جیل موجود ہیں،اسلام آباد ہائیکورٹ کا حکم تاحال موصول نہیں ہوا، عدالت کا حکم ملتے ہی اس پر عملدرآمد ہوگا۔

دوسری جانب چیئرمین پی ٹی آئی کے وکیل شیر افضل خان مروت نے سماجی رابطے کی ویب سائیٹ ایکس پر جاری کردہ اپنے بیان میں لکھا کہ ’’چیئرمین پی ٹی آئی عمران خان کو اڈیالہ جیل منتقل کردیا گیا۔ انہیں ایک ایسے کمرے میں رکھا گیا ہے جس میں واش روم (washroom) اور دیگر سہولیات موجود ہیں جو ایک سابق وزیر اعظم کے لیے جیل قوانین کے تحت قابل قبول ہیں‘‘۔

چیئرمین پی ٹی آئی عمران خان کو اڈیالہ جیل منتقل کردیا گیا۔ انہیں ایک ایسے کمرے میں رکھا گیا ہے جس میں washroom اور دیگر سہولیات موجود ہیں جو ایک سابق وزیر اعظم کے لیے جیل قوانین کے تحت قابل قبول ہیں۔

— Sher Afzal Khan Marwat (@sherafzalmarwat) September 25, 2023

دوسری جانب چیئرمین پی ٹی آئی کے وکیل نعیم حیدر پنجوتھا نے بھی سماجی رابطے کی ویب سائیٹ ایکس پر جاری کردہ اپنے پیغام میں لکھا کہ ’’جی بالکل پتا چلا ہے عمران خان صاحب کو اٹک سے اڈیالہ جیل شفٹ کر دیا گیا ہے. لیکن یہ بات سمجھ سے باہر ہے کہ اٹک جیل میں بات ہوئی وہ ابھی کہہ رہے کہ خان صاحب ان کے پاس ہیں‘‘۔

جی بالکل پتا چلا ہے عمران خان صاحب کو اٹک سے اڈیالہ جیل شفٹ کر دیا گیا ہے .

لیکن یہ بات سمجھ سے باہر ہے کہ اٹک جیل میں بات ہوئی وہ ابھی کہہ رہے کہ وہ خان صاحب ان کے پاس ہیں.

— Naeem Haider Panjutha (@NaeemPanjuthaa) September 25, 2023

یاد رہے کہ آج صبح چیف جسٹس اسلام آباد ہائی کورٹ نے چیئرمین پی ٹی آئی کو اٹک جیل سے اڈیالہ جیل منتقل کرنے کا حکم دے دیا،چیف جسٹس عامر فاروق نے کہا کہ چیئرمین پی ٹی آئی کی سزا کا سٹیٹس تبدیل ہو چکا ہے، اسلام آباد کے تمام انڈر ٹرائل قیدی اڈیالہ جیل میں ہیں، چیئرمین پی ٹی آئی ابھی تک اٹک کیوں ہیں؟ اڈیالہ جیل کیوں نہیں؟

یہ بھی پڑھیں: نوازشریف 21 اکتوبر کو پاکستان آ رہے ہیں،شہبازشریف