(24 نیوز)مسلم لیگ ن کے رہنما ملک احمد خان نے کہاہے کہ نواز شریف کی واپسی کے حوالے سے کورٹ آرڈر میں تمام تفصیلات طے شدہ ہیں،نواز شریف کے بنیادی حقوق کا تحفظ فراہم کیا جائے گا۔
لندن میں میڈیا سے گفتگو کرتے ہوئے لیگی رہنما نے کہاکہ نواز شریف کے استقبال کیلئے مینار پاکستان سب سے موضوع جگہ ہے اور اس کا فیصلہ ہوچکا ہے،ان کا کہناتھا کہ نواز شریف کی سزا کے خلاف اپیل کرنے کیلئے عدالت میں پیشی ضروری ہے، ملک احمد خان نے کہاکہ نواز شریف کے واپسی کے پروگرام کی تفصیلات شیئرکی جائیں گی،ان کا کہناتھا کہ چلتی معیشت کا بھٹہ بٹھانے اور سیاست میں نفرت کے بیج بونے پر کس بات کا این آر او چئیرمین پی ٹی آئی کو دیا جائے۔
یہ بھی پڑھیں: سونے کی قیمت میں ہزاروں روپے کمی، خریداروں کے وارے نیارے ہو گئے