نیہاککڑکوطلاق ہوگئی؟گلوکارروہن پریت سنگھ نے خاموشی توڑ دی

(ویب ڈیسک)بالی ووڈ گلوکارروہن پریت سنگھ نے اہلیہ اور نامور گلوکارہ نیہا ککڑ کے ساتھ طلاق کی افواہوں پر خاموشی توڑ دی،بالی وڈ کی معروف گلوکار جوڑی کے درمیان کئی مہینوں سے علیحدگی کی افواہیں سرگرم تھیں۔

گلوکارروہن پریت سنگھ نے حال ہی میں ایک انٹرویو میں گفتگو کرتے ہوئے نیہا ککڑ سے طلاق کی افواہوں کے حوالے سے بتایا کہ افواہیں تو افواہیں ہیں، وہ سچ تھوڑی ہیں،وہ تو بس بنی بنائی باتیں ہیں، کل کچھ اور تو پرسوں کوئی کچھ بولے گا، ان سے آپ اپنے ذاتی رشتے پر کوئی فرق نہیں پڑنے دیں۔

انہوں نے اپنے انٹرویو میں یہ بھی کہا کہ لوگوں کا کام ہے،اگر انہیں مزہ آرہا ہے تو انہیں کرنے دو، ہماری زندگی ہے اسے ہم اپنے حساب سے گزارتے ہیں۔

روہن پریت سنگھ نے مزید کہا کہ ذاتی اور پروفیشنل زندگی الگ ہونی چاہیے،بات اس کی ہوتی ہے جو کامیاب ہو، باتیں ہوتی رہنی چاہئیں تاکہ پتا چلے آپ ترقی کررہے ہیں۔

واضح رہے گلوکار جوڑی روہن پریت سنگھ اورنیہا ککڑ نے 2020 میں شادی کی تھی، دونوں  کے درمیان طلاق سے قبل بچے کی پیدائش کی خبریں  بھی سامنے آئی تھیں جس کی بعد میں انہوں نے تردید کردی تھی۔