(اویس کیانی)وزیر اعظم شہبازشریف کی ڈاکٹر محمد یونس کی درخواست پر بنگلہ دیش کے اقوام متحدہ کی رکنیت کے 50 برس مکمل ہونے کی تقریب میں شرکت ۔
وزیرِ اعظم محمد شہباز شریف اس وقت دورہ امریکا پر ہیں جہاں انہوں نے گزشتہ شب بنگلہ دیش کے چیف ایڈوائزر ڈاکٹر محمد یونس کی دعوت پر بنگلہ دیش کے اقوام متحدہ کی رکنیت کے 50 برس مکمل ہونے کی تقریب میں شرکت کی،وزیرِ دفاع خواجہ محمد آصف، وزیرِ اطلاعات و نشریات عطاء اللہ تارڑ، وزیرِ وفاقی تعلیم و پیشہ ورانہ تربیت ڈاکٹر خالد مقبول صدیقی اور معاون خصوصی طارق فاطمی بھی وزیرِ اعظم کے ہمراہ تھے،ڈاکٹر محمد یونس نے وزیرِ اعظم اور پاکستانی وفد کا پر تپاک استقبال کیا.
دونوں رہنماؤں کے درمیان پاکستان اور بنگلہ دیش کے مابین مختلف شعبوں میں تعاون کے فروغ پر اتفاق ہوا، ملاقات میں پاکستان اور بنگلہ دیش کے دوطرفہ تعلقات کو وسعت دینے کے حوالے سے مثبت گفتگو ہوئی،وزیرِ اعظم محمد شہباز شریف کچھ ہی دیر میں اقوام متحدہ کے ہیڈ کوارٹر پہنچیں گے جہاں وزیرِ اعظم کی بنگلہ دیش کے چیف ایڈوائزر ڈاکٹر محمد یونس سے دوطرفہ ملاقات ہوگی،وزیرِ اعظم ایرانی صدر عزت مآب مسعود پزشکیان اور گیٹس فاؤنڈیشن کے بانی بل گیٹس سے بھی ملاقات کریں گے.