براڈ شیٹ کمیشن : سابق چیئرمین نیب محمد امجد کا  تہلکہ خیز بیان

 (24نیوز)سابق چیئرمین نیب محمد امجد نے براڈ شیٹ کمیشن کو اپنا بیان ریکارڈ کروا دیا ہے جس کی کاپی منظر عام پر آگئی ہے۔
ذرائع کے مطابق سابق چیئرمین نیب محمد امجد نے اپنے بیان میں انکشاف کیا ہے کہ  براڈ شیٹ معاہدے کا ڈاکیومنٹ وزارت قانون اور وزارت خزانہ سے منظور نہیں کروایا گیا۔براڈ شیٹ معاہدہ کرنے والے نمائندے رونلڈ رڈمین کا لائسنس فراڈ کرنے پر معطل تھا، علم ہوتا تو کبھی براڈشیٹ سے ناہی انٹرنیشنل ایسیٹ ریکوری سے معاہدہ کرتا۔

محمد امجد نے اپنے بیان میں کہا مجھ سے معاہدے سے متعلق فاروق آدم خان نے معاہدے کی فائل چھپائی، معلوم نہیں کہ طارق ملک اور غضنفر صادق براڈ شیٹ یا  انٹرنیشنل ایسیٹ ریکوری سے 1999 سے پہلے جڑے تھے یا بعد میں۔مجھے یاد نہیں کس نے طارق ملک اور غضنفر صادق کو مجھ سے متعارف کروایا۔

 سابق چیئرمین نیب نے مزید کہا کہ میں نے نیب میں دستخط کے لئے ہمیشہ سبز رنگ کا استعمال کیا، براڈ شیٹ معاہدے کی فائل سے لگتا ہے کہ وہاں زرد رنگ استعمال کیا گیا۔