IPL   کے باقی میچز نہیں کھیل سکتا،  کورونا میں فیملی کی مدد کرنا چاہتا ہوں: روی چندرن ایشون 

(24 نیوز)بھارت میں تیزی سے بڑھتے عالمی وبا کورونا کے حملوں سے پریشان اور فیملی ممبران کے وبا میں مبتلا ہونے کی وجہ سے بھارتی سپنر  روی چندرن ایشون نے انڈین پریمئیر لیگ کے باقی میچز  کھیلنے سے معذوری ظاہر کر دی۔

میڈیا رپورٹس کے مطابق بھاری بالر ایشون نے سوشل میڈیا پر جاری اپنے بیان میں کہا کہ میں اس سال آئی پی ایل کے باقی میچز سے بریک لے رہا ہوں۔ان کا  کا کہنا تھا کہ میری فیملی اور رشتہ دار کورونا سے لڑ رہے ہیں اور میں اس مشکل گھڑی میں ان کی مدد کرنا چاہتا ہوں۔ دہلی کیپیٹلز کی نمائندگی کرنے والے ایشون کا مزید کہنا تھا کہ اگر چیزیں صحیح سمت میں گئیں تو میں آئی پی ایل دوبارہ کھیلنے کے بارے میں سوچوں گا۔

I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals ????????

— Stay home stay safe! Take your vaccine???????? (@ashwinravi99) April 25, 2021

 
 واضح رہے کہ بھارت میں کورونا کیسز میں اضافے کے باعث آسٹریلوی کرکٹرز کی جانب سے آئی پی ایل چھوڑنے کا سلسلہ جاری ہے۔آسٹریلیا کے ایڈم زمپا اور کین رچرڈسن انڈین پریمیئر لیگ سے الگ ہو گئے۔بھارتی میڈیا کے مطابق آسٹریلوی کرکٹرز  ذاتی وجوہات کا بتا کر آئی پی ایل چھوڑ کر واپس وطن جا رہے ہیں۔

یہ بھی پڑھیں: 22 افراد کو  کورونا وائرس سے متاثر کرنے والا شخص  گرفتار