سرکاری سطح پر عمرہ کی ادائیگی ہماری روایت نہیں ، اے این پی کی معذرت

(24 نیوز)عوامی نیشنل پارٹی (اے این پی)نے سرکاری عمرے پر جانے سے معذرت کرلی ۔
اے این پی کے رہنما امیر حیدر ہوتی نے اپنے ٹوئٹ میں کہاہے کہ وزیراعظم کے مشکور ہیں انہوں نے عمرہ ادائیگی کی دعوت دی،قومی یکجہتی کے طور پر دورہ سعودی عرب کو قدر کی نگاہ سے دیکھتے ہیں ، ان کا کہناتھا کہ سرکاری سطح پر عمرہ کی ادائیگی ہماری روایت نہیں ۔
امیر حیدر ہوتی کا کہناتھا کہ دینی فریضے کی ادائیگی انفرادی عمل ہے، پہلے بھی ادا کئے ہیں اور ادا کرتے رہیں گے،وزیراعظم شہبازشریف کے مشکور ہیں لیکن سرکاری طور پر عمرہ کی ادائیگی کیلئے نہیں جائیں گے،انہوں نے کہاکہ امید ہے نئی حکومت اسی طرح قومی یکجہتی کو برقرار رکھتے ہوئے تمام سیاسی لیڈرشپ کو اعتماد میں لے گی۔

دینی فریضے کی ادائیگی انفرادی عمل ہے، پہلے بھی ادا کئے ہیں اور ادا کرتے رہیں گے،وزیراعظم شہبازشریف کے مشکور ہیں لیکن سرکاری طور پر عمرہ کی ادائیگی کیلئے نہیں جائیں گے،امید ہے نئی حکومت اسی طرح قومی یکجہتی کو برقرار رکھتے ہوئے تمام سیاسی لیڈرشپ کو اعتماد میں لے گی
2/2

— Ameer Haider Khan Hoti (@HaiderHotiANP) April 26, 2022

یہ بھی پڑھیں: جمعیت علمائے اسلام کے رہنما مفتی بشیر قاتلانہ حملے میں جاں بحق