گلوکار علی عظمت کی 53 ویں سالگرہ شدید تنقید کی زد میں، آخر وجہ کیا بنی؟
Stay tuned with 24 News HD Android App
(ویب ڈیسک) گلوکار علی عظمت نے اپنی 53 ویں سالگرہ کی تقریب کے دوران سب کو حیران کر دیا، اپنے دوست کے منہ میں زبردستی سالگرہ کا کیک ٹھوس دیا۔
پاکستان سمیت دنیا بھر میں شہرت پانے والے گلوکار علی عظمت اپنی سالگرہ کی تقریب کے دوران اپنے دوست کو پکڑ کر زبردستی منہ میں کیک ٹھوس دیا۔ پاپ سٹار نے اپنے دوست احباب کے ہمراہ اپنی سالگرہ منائی اور کیک کاٹنے کے بعد پاس کھڑے اپنے دوست کو گلے سے دبوچ کر اس کے منہ میں کانٹے کی مدد سے کیک ڈال دیا۔
View this post on Instagram
پاپ سٹار کو اس کے دوست کی جانب سے روکنے کی کوشش بھی کی گئی لیکن انہوں نےا یک نا سنی اور زبردستی اپنے دوست کے منہ میں کیک ٹھوسنے سے باز نہ آئے۔ اس حرکت پر برتھ ڈے پارٹی میں شریک ان کے دوست مسکراتے رہے اور بعض نے ان کو روکنے کی بھی کوشش کی لیکن سالگرہ کی خوشی میں پاپ سٹار اپنی مستی میں مگن رہے اور اپنے دوست کو کیک کھلا کر بے حد خوش ہوئے۔
یہ بھی پڑھیں: ہیری پوٹر سیریز کے مرکزی کردار ڈینیل ریڈکلف باپ بن گئے
پاپ سٹار کی یہ انوکھی حرکت سوشل میڈیا صارفین کی شدید تنقید کا باعث بنی ہے۔ سوشل میڈیا پر وائرل ہونے والی ان کی اس ویڈیو کو ہزاروں ویوز، لائکس اور شیئرز ملنے کے ساتھ ساتھ شدید تنقید کا سامنا کرنا پڑ رہا ہے۔
واضح رہے کہ گلوکار ہر سال 20 اپریل کو اپنی سالگرہ مناتے ہیں اور اس برس وہ 53 سال کے ہو گئے ہیں۔