ایرانی سپریم لیڈر کے سابق نمائندے اور معروف عالم دین قاتلانہ حملے میں جاں بحق

( ویب ڈیسک) ایران کے سپریم لیڈر خامنہ ای کے نمائندے اور طاقت ور شیعہ عالم آیت اللہ عباس علی سلیمانی مسلح حملے میں جان کی بازی ہار گئے۔
ایران کے سرکاری میڈیا کے مطابق شمالی صوبے مازندران کے شہر بابولسر میں 75 سالہ آیت اللہ عباس علی سلیمانی کو حملہ آور نے گولیاں مار کر قتل کردیا،سکیورٹی پر مامور اہلکاروں نے قاتل کو گرفتار کرلیا۔

یہ بھی پڑھیں: سینئر بھارتی اداکارہارٹ اٹیک سے چل بسے
تاحال قتل کی وجہ کا تعین نہیں ہوسکا جب کہ گرفتار ملزم کی شناخت بھی ظاہر نہیں کی گئی، تفتیش کا عمل جاری ہے، آیت اللہ عباس علی سلیمانی طاقتور عالم دین ہیں جو صوبہ اصفہان کے وسطی شہر کاشان اور جنوب مشرقی صوبہ سیستان بلوچستان میں زاہدان میں نماز جمعہ کی امامت بھی کرتے رہے ہیں۔
وہ اس سے قبل آیت اللہ علی خامنہ ای کے نمائندے بھی رہے اور ملک کے سپریم لیڈر کا انتخاب کرنے والی کونسل کے بھی رکن تھے، سپریم لیڈر آیت اللہ خامنہ ای کے نہایت قریب سمجھے جاتے تھے۔

#BREAKING: Ayatollah Abbas Ali Soleimani, a onetime member of #Iran's Assembly of Experts, has been assassinated. Comes after a series of attacks targeting clerics. Soleimani is Khamenei's former representative in Kashan and notably Sistan and Baluchestan, the scene of many… pic.twitter.com/T2FfqGmXaB

— Jason Brodsky (@JasonMBrodsky) April 26, 2023

یہ بھی پڑھیں:  فردوس عاشق اعوان کی اپنی ہی جماعت کیخلاف گولا باری،ٹکٹوں کی تقسیم پر شدید تنقید