’’کورونا ویکسین نہیں لگاؤں گا‘‘ ٹینس اسٹار نوواک جوکووچ یو ایس اوپن سے دستبردار

(ویب ڈیسک) عالمی ٹینس اسٹار نواک جوکووچ نے اپنے ٹوئٹر پیغام میں یو ایس اوپن سے دستبرداری کا اعلان کرتے ہوئے کہا کہ افسوس کی بات ہے میں اس بار یو ایس اوپن کے لیے نیویارک کا سفر نہیں کر سکوں گا۔

انہوں نے پیار اور حمایت کے پیغامات کے لیے شکریہ اد اکیا اور ساتھی کھلاڑیوں کے لیے نیک تمناؤں کا اظہار کیا۔

امریکہ نے غیر ویکسین شدہ افراد کے ملک میں داخلہ پر پابندی عائد کر رکھی ہے اور امریکی قوانین کے مطابق ویزا حاصل کرنے اور ملک میں داخل ہونے کے لیے کسی بھی غیر

Sadly, I will not be able to travel to NY this time for US Open. Thank you #NoleFam for your messages of love and support. ❤️ Good luck to my fellow players! I’ll keep in good shape and positive spirit and wait for an opportunity to compete again. ???????? See you soon tennis world! ????????

— Novak Djokovic (@DjokerNole) August 25, 2022

امریکی شہری کو کورونا وباء سے بچاؤ کی ویکسین لگوانا ضروری ہے۔

جوکووچ نے کورونا ویکسینیشن کرانے سے انکار کر رکھا ہے اور اس حوالے سے ان کا کہنا ہے کہ اپنی ذات پر اپنے فیصلوں کا اصول ان کیلئے کسی ٹائٹل یا کسی اور چیز سے زیادہ اہمیت کا حامل ہے اور وہ ویکسینیشن نہیں کروانے چاہتے۔

یاد رہے کہ جوکووچ ویکسینیشن نہ کروانے کے باعث کئی ٹورنامنٹس میں شرکت نہیں کرسکے۔ رواں برس کے آغاز میں آسٹریلین حکومت نے ویکسینیشن نہ کروانے کے باعث آسٹریلین اوپن میں شرکت کیلئے ان کا ویزا منسوخ کرتے ہوئے انہیں ڈی پورٹ کردیا تھا جس کی وجہ سے وہ ایونٹ میں شرکت نہیں کر پائے تھے۔

یہ بھی پڑھیے: ثانیہ مرزا یو ایس اوپن سے باہر ہو گئیں